اول مانبدي وش نقول .. اللهم صل على الرسول
خيرن جانا وجاكم ,. وشرن تعدانا وتعداكم .. زور ابن الزرور اللي ذبح بقه وترس سبعة جدور
وخلا الشحوم واللحوم على الصواني تدور .. يقول مناحي بن زهيّب كان عندنا رجالن طيب
له علوقه ينقال لها بوتسعات ... هذا الله يسلمكم تعدا عمره التسعين .. ومن زود مابه من عمر
حتى حواجب عيونه حتت .. يوم من الايام كان جالس على عتبة المنتدى .. وتجيه ذيك البنت متغطيه
وسلمت عليه .. قالت له عمي وش رايك تاخذني نظر لها بوتسعات وتشنترت باجي شواربه وقال لها ياغالي وطلبك رخيص وين بيتكم واجي اخطبج .. قالت له شفت البيت اللي عند الخباز اللي لونه اصفر ذا بيتنا بس بعلمك على سر .. تراك ان خطبتني بيقول لك ابوي اني عرجه وعوره وقرعه وعقلي على قدري وبي برص وصمخه ماسمع .. فرد عليها بوتسعات مخترع وهذي الاوصاف بج ولا كذب .. فقامت البنت وكشفت وجهها له ولا تطلع بنت حلوه جميله طار عقل بوتسعات وحط نعوله تحت باطه وانطلق مثل الصاروخ للبيت الاصفر ودش على ابوها وسلم
عليه ثم طلب بنته وقال له شف تراني ماأملك الا الهندي اللي عندي وراح اسجله باسم بنتك
فقال له ابوها المشكله ماهي بالهندي المشكله البنت شينه ماهي بحلوه فرد بوتسعات ابيها ابيها
قال لها ابوها انت متأكد قال بوتسعات مابذني ماي ابيها .. المهم تزوجها ولما دش عليها وينخبص
ولا تطلع عفريته وينجن بوتسعات وتحسف على الهندي اللي سجله باسمها وجلس عند عتبة المنتدى يبكي ويصيح ومرت عليه
دبدوبه قالت له وش فيك ياعمي جالس تبكي قال لها يابنتي جرت فيني قصه لا صارت ولا استوت وعلمها السالفه كلها اضحكت دبدوبه وقالت له هذي سوالف ام شوق اهي اللي قطتك بهذه المشكله ويقوم يصيح المسكين يبي حل .. والنسره كل دقيقه جايته عند المنتدى وبالبطيخه بم على راسه وش علامك جالس اهنيه يلا قم لبيتك وابوتسعات المسكين ماهو عارف وش يسوي في هالمشكله والحين نبي حل للعجوز .. وش رايكم من عنده حل يخلصه من هالنسره اللي تدبس فيها
الأربعاء مارس 11, 2009 3:51 am